Հայաստանի ապագան կախված է վճռական և հստակ քայլերից. Բաբաջանյան
Արման Բաբաջանյանը գրել է.
«Հայաստանի ապագան կախված է վճռական և հստակ քայլերից, որոնք կծառայեն մեր ժողովրդի երկարաժամկետ շահերին ու երկրի կենսունակությանը: Այսօր կանգնած ենք ճակատագրական ընտրության առջև. շարունակել հարմարվել անկայունությանն ու արտաքին ճնշումներին, թե ընտրել իրական անկախության, զարգացման և անվտանգության ճանապարհը՝ Եվրոպական միության անդամակցության հեռանկարով։
Հայաստանի քաղաքացիները արդեն հստակ արտահայտել են իրենց կամքը. մենք ուզում ենք ապրել ուժեղ, անվտանգ և ժողովրդավարական երկրում, որտեղ մարդու իրավունքները հարգված են, տնտեսությունը կայուն է, իսկ անվտանգությունն ապահովված է միջազգային գործընկերների հետ հավասար ու արժանապատիվ համագործակցության միջոցով։ Միայն մեկ ամսվա ընթացքում ժողովրդի նվիրվածությամբ մենք ոչ միայն հաղթահարեցինք անհրաժեշտ ստորագրությունների շեմը, այլև ապացուցեցինք, որ պատրաստ ենք ավելիին։ Այս պայքարը չի կարող անտեսվել, և իշխանությունները պարտավոր են հաշվի առնել մեր ձայնը։
Եվրոպական միությանն անդամակցելու գործընթացը Հայաստանի համար այլընտրանք չունի։ Սա մեր պատմական հնարավորությունն է՝ հրաժարվելու անկայունությունից, արտաքին կախվածությունից և քաղաքական անորոշությունից: Մենք հստակորեն ազդարարել ենք, որ պատրաստ ենք պայքարել 300,000 և ավելի ստորագրությունների համար, իսկ իշխող ուժի պարտականությունն է՝ ժողովրդի կամքը վերածել գործողության։ Խնդիրը դուրս է ներքին քաղաքականության սահմաններից և արդեն դարձել է միջազգային օրակարգի հարց, որը կոմունիկացվել է եվրոպացի և ամերիկացի բարձրաստիճան պաշտոնյաների հետ։
ԵՄ-ին անդամակցելու գործընթացը Հայաստանի անվտանգության, տնտեսական կայունության և արտաքին քաղաքական անկախության հիմքն է: Այսօր յուրաքանչյուր քաղաքական ուժ և պատգամավոր պատասխանատու է որոշման համար, որը կսահմանափակի կամ կապահովի մեր երկրի ապագան։ Ազգային ժողովում ցանկացած ձայն պետք է հաշվի առնի ոչ թե կուսակցական կամ քաղաքական շահերը, այլ ժողովրդի կամքն ու Հայաստանի կենսունակությունը։
Մենք չենք կարող թույլ տալ հետամնացություն կամ անգործություն։ Ժամանակն է, որ բոլորս միասնականությամբ ու վճռականությամբ կանգնենք մեր երկրի ապագայի կերտման ճակատում։ Պատմությունը չի ներելու նրանց, որոնք կփորձեն խոչընդոտել այս գործընթացը։ Հայաստանը պետք է գնա առաջ՝ հստակ ճանապարհով դեպի ԵՄ անդամակցություն»։
Recent Posts
ԱՄՆ-ն ու ՌԴ-ն համեմատելիս պետք է հրաժարվենք էմոցիաներից ու գնահատենք չափելի ցուցանիշները
«Հանուն հանրապետության» կուսակցության նախագահ Արման Բաբաջանյանը գրել է. ԱՄՆ-ն ու Ռուսաստանը համեմատելիս պետք է հրաժարվենք…
«Խաղաղության օրակարգը Վենսի այցի կենտրոնում»
Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․ Վենսի…
Մինչև 2046թ. ատոմակայանի վերաբերյալ պետք է կայացվեն որոշումներ. վարչապետ
ՀՀ վարչապետ Նիկոլ Փաշինյանն անդրադարձել է Մեծամորի ատոմակայանի գործունեության ժամկետներին։ «Մենք գտնվում ենք Մեծամորի ատոմակայանի…
Ռուսաստանից Ադրբեջանի տարածքով Հայաստան հացահատիկի մատակարարումները կանոնավոր են դարձել
Ռուսական հացահատիկի մատակարարումները Հայաստան «Ռուսական երկաթուղիներ» ընկերության ենթակառուցվածքների միջոցով դարձել են կանոնավոր։ Այս մասին հայտարարել…
Նարեկ Կարապետյանը սխալ է․ ԱՄՆ փոխնախագահին Ծիծեռնակաբերդի հուշահամալիր ուղեկցել է ԿԳՄՍ նախարարը
«Մեր ձևով» շարժման համակարգող Նարեկ Կարապետյանն իր ֆեյսբուքյան էջում գրել է, թե «ՀՀ ոչ մի…
Նախորդ տարվա ընթացքում ՀԱԷԿ-ում արտադրվել է 2915 մլն կՎտժ էլեկտրաէներգիա
Հայկական ատոմային էլեկտրակայանում ամփոփվել են տարեկան տվյալները՝ 2025 թվականին արտադրված և առաքված էլեկտրաէներգիայի վերաբերյալ: Ըստ…