«Քաղաքացիական պայմանագիր» խմբակցության պատգամավոր Խաչատուր Սուքիասյանը փորձեց ճշտել ՆԳՆ նախարարի տեղակալ Արմեն Մկրտչյանից, թե ինչու ժամկետներ նշված չեն առաջարկված փոփոխության մեջ, ըստ որի՝ Հարկային օրենսգրքով սահմանել, որ փոխադրամիջոցի գույքահարկից ազատվում են նաև հանցագործության հիմքով սեփականատիրոջ տիրապետումից դուրս գտնվող փոխադրամիջոնցերի սեփականատերերը հանցագործության հիմքով քրեական վարույթ նախաձեռնելու պահից մինչև փոխադրամիջոցը նրա սեփականատիրոջ տիրապետմանը հանձնելը։
«Պետք է սահմանված լինի, թե ինչքան ժամանակում պետությունը կարող է դա տանել մի տեղ, միգուցե ժամկետներ նշենք, որ քննչական գործողությունները այս ժամկետում լինեն: Կապ չունի՝ հանցանք է կատարել, չի կատարել, դեռ պարզված է, թե չէ, վերջին հաշվով վճարելու է նա՝ ում անունով այդ փոխադրամիջոցը գրանցված է: Ժամկետներ սահմանեք, որ մարդիկ իմանան, որ որպես պետություն՝ դուք կարող եք այն օտարել` իր ձեռքից կամ տիրապետության տակ չլինի»։
