Իրանի հետ հարաբերություններն աննախադեպ մակարդակի են. փոխնախարար

«Իրանի հետ մեր հարաբերությունները գտնվում են աննախադեպ բարձր մակարդակի վրա, որի վկայությունն են վերջին շրջանում կատարված այցերն ու պաշտոնյաների հայտարարությունները»․ ասել է ԱԳ փոխնախարար Պարույր Հովհաննիսյանը՝ ավելացնելով, որ չկա մի հարց, որի շուրջ իրանական կողմի հետ համաձայնության չեն եկել։

Անդրադառնալով սահմանային կարողությունների ամրապնդմանը՝ Հովհաննիսյանը նշել է, որ դա միշտ իրականացվել է երրորդ երկրի կողմից․ «Վերջապես պետք է մեր սահմանը կարողանանք ինքներս վերահսկել»։

Ըստ Հովհաննիսյանի՝ իդեալական աշխարհում յուրաքանչյուր երկիր պետք է ի վիճակի լինի ինքը վերահսկել իր սահմանը։