Այսօր Բելառուսի Հանրապետության նախագահի ընտրություններ են, հայտնում է ԲԵԼՏԱ-ն։ Նախագահի պաշտոնին հավակնում է 5 թեկնածու, այդ թվում՝ գործող նախագահ Ալեքսանդր Լուկաշենկոն։
Հունվարի 21-ից 25-ը տեղի է ունեցել վաղաժամկետ քվեարկություն։ Ընտրողները ցույց են տվել բավականին բարձր մասնակցություն։ Բելառուսի Հանրապետության նախագահի ընտրություններում վաղաժամկետ քվեարկել է ընտրացուցակներում ընդգրկված քաղաքացիների 41,81%-ը։
Բելառուսում նախագահական ընտրությունների արդյունքները Կենտրոնական ընտրական հանձնաժողովը կսահմանի փետրվարի 5-ից ոչ ուշ։
Երկրում գործում է 5325 ընտրատեղամաս, որոնք արդեն բացվել են և կգործեն մինչև 20:00-ն:
