ՀՀ վարչապետ Նիկոլ Փաշինյանը հայտարարել է, որ նախորդ տարի եկամտահարկի տեսքով 68 մլրդ դրամ է վերադարձվել քաղաքացիներին։ Խոսքը բնակարանի հիպոթեկային վարկի ծրագրի մասին է։
Նա նաև նշել է, որ եկամուտների համընդհանուր հայտարարագրման ծրագրով նոր համակարգ են ներդնելու՝ 70 մլրդ վերադարձնելու են քաղաքացուն, միաժամանակ շարունակվելու է հիպոթեկային վարկի տոկոսադրույքների 68 մլրդ դրամի ծրագիրը․ «Բայց վերադարձնելու ենք աշխատող քաղաքացիներին, վերադարձնելու ենք կրթության, առողջապահության նպատակով։ Ինչպես ասել ենք, փողը կառավարման գործիք է, և ուզում ենք մեր ռազմավարություններն ավելի արդյունավետ իրականացնել»,- ասել է նա։
