Վահրամ Աթանեսյանը գրել է.
«Հայաստանում կեղծարարությունը հասել է մի մակարդակի, որ նախկին վարչապետ Հրանտ Բագրատյանը 2020թ. հոկտեմբերի 10-ին հրադադար հաստատելու ձախողված փորձը վերագրում է ԱՄՆ նախագահ Թրամփին, երբ հայտնի է, որ արտգործնախարարներ Զոհրապ Մնացականյանը եւ Ջեյհուն Բայրամովը հոկտեմբերի 8-9- ին անընդմեջ բանակցել են Մոսկվայում՝ Սերգեյ Լավրովի ուղղակի միջնորդությամբ, իսկ հաջորդ օրը ՌԻԱ-Նովոստին հրապարակել է Իլհամ Ալիեւի հարցազրույցը, որտեղ նա բառացիորեն հետեւյալն է ասել. կրակի դադարեցման հրաման կտրվի, երբ կստացվի «գրավյալ տարածքներից հայկական զինված ուժերի դուրսբերման ժամանակացույցը, բայց այս անգամ մենք Շուշին չենք մոռանա»:
Թրամփն, ինչ խոսք, պատերազմը կանգնեցնելու ոչ մի քայլ չի ձեռնարկել, բայց փաստը մնում է փաստ. հրադադարի հաստատման հոկտեմբերի 10-ի «պայմանավորվածությունը» նախաձեռնել է Ռուսաստանը»։
