Վարչապետ Նիկոլ Փաշինյանը հայտարարել է, որ հայոց ցեղասպանությունն անժխտելի է. «Սա շատ հստակ, աներկբա, անքննելի ձևով արձանագրված իրողություն է»։ Նա նշել է, որ մեծ եղեռնը ոչ միայն անհերքելի է, «Այլև մեր ինքնության մասն է, ընդ որում՝ դա մեր ուզել-չուզելով չի». «Սա մեր արյան մեջ է, երակների մեջ, սա մեր ինքնության մաս է»։
Նիկոլ Փաշինյանը հիշեցրել է, որ ցեղասպանության ժխտումը Հայաստանում քրեորեն պատժելի է. «Ընդհանրապես, զարմանալի է, թե ինչպես մեկին կարելի է մեղադրել ցեղասպանությունն ուրանալու մեջ, եթե նա օգտագործում է «ցեղասպանություն» բառը»։
