«Հայաստանի Եվրոպական ինտեգրման հետևանքը կարող է լինել հայ բնակչության համատարած աղքատացումը»․ ճեպազրույցի ժամանակ հայտարարել է ՌԴ ԱԳՆ ներկայացուցիչ Մարիա Զախարովան։
«Հայկական արտադրանքը կբախվի ավելի բարձր մաքսատուրքերի, այդ ամենը կհանգեցնի ՀՆԱ-ի աճի տեմպերի կտրուկ անկման։ Ես, օրինակ, կարծում եմ, որ դա հիմնականն է, քանի որ դա ուղղակի հարված կլինի ոչ թե այսօրվա շահույթին ու եկամտաբերությանը, այլ զարգացմանը։ Եթե մենք խոսում ենք արտադրության ծավալների, Հայաստանի բնակչության մասին, դա պարզապես կարող է հանգեցնել համատարած աղքատացման»,- ասել է նա։
Զախարովան նաև կանխատեսել է հայկական ապրանքների արտահանման 80% կրճատում:
«Երևանի ապրանքաշրջանառությունը ԵԱՏՄ պետությունների հետ այլընտրանքային աղբյուրներով փոխարինելն անհնար է նույնիսկ միջնաժամկետ հեռանկարում»,- ընդգծել Է դիվանագետը։
