Մի բան թող հստակ լինի՝ Մեղրիի հանձնումը երբեք չի մոռացվելու. Բաբաջանյան

«Հանուն հանրապետության» կուսակցության առաջնորդ Արման Բաբաջանյանը գրել է.

«Մեղրին Ղարաբաղի հետ փոխանակելու բանակցություններ վարած արտգործնախարարը, ով Քոչարյանի հրահանգով Հայաստանը պատրաստ էր մասնատելու, այսօր «աղետալի ժամանակաշրջանի» մասին դատողություններ է անում ու կոչեր հնչեցնում ամերիկահայությանը:

Պետական դավաճանության համար նա պետք է իր շեֆի հետ բանտում լիներ, ոչ թե հայրենասիրությունից խոսեր։

Եթե գործող իշխանությունը հեղափոխությունից հետո քաղաքական ու իրավական գնահատական տար անցյալի դավաճանություններին, այս մարդիկ չէին համարձակվի գլուխ բարձրացնել։ Այսօր էլ այդ խիզախությունը չկա, ու արդյունքում պետական դավաճանները նորից փորձում են օրակարգ թելադրել։

Բայց մի բան թող հստակ լինի՝ Մեղրիի հանձնումը երբեք չի մոռացվելու, ինչպես չի մոռացվելու նաև այն, թե ովքեր էին դրա հեղինակները։ Մեկ առ մեկ հիշելու և հիշեցնելու ենք»։