Ոչ մի պարագայում չի կարելի հրաժարվել Ադրբեջանի դեմ ներկայացված դատական հայցերից․ Մարուքյան

ԼՀԿ ղեկավար Էդմոն Մարուքյանի ֆեյսբուքյան գրառումը․

«Հրաժարվելով միջազգային ատյաններում ներկայացված դատական հայցերից՝ մենք հերթական անգամ դատարկում ենք մեր բանակցային ֆոնդը, նույնիսկ եթե Ադրբեջանն էլ հրաժարվի իր հայցերից։ Սա ոչ մի կերպ չի երաշխավորում, որ Ադրբեջանը՝ ներկա կամ ապագա իշխանությունների օրոք, նոր հայցեր ու պահանջներ չի ներկայացնի Հայաստանի Հանրապետության դեմ։Ուստի, ոչ մի պարագայում չի կարելի հրաժարվել Ադրբեջանի դեմ ներկայացված դատական հայցերից։Հակառակ դեպքում՝

• կլեգիտիմացվի ադրբեջանական կեղծ թեզը՝ Հայաստանի բռնազավթողական քաղաքականության վերաբերյալ։

• մեր ապագա սերունդներին ծանրաբեռնելու ենք դրանից բխող բոլոր բացասական հետևանքներով։

• Հայաստանը, Ադրբեջանի հետ միասին, կդառնա 150 հազար մարդու, Արցախի ժողովրդի իրավունքները ոտնահարող պետություն»։