ԵՄ-ին անդամակցելու ցանկությունը Երևանի սուվերեն իրավունքն է. Պեսկով

«ԵՄ-ին անդամակցելու՝ Հայաստանի ցանկությունը Երևանի սուվերեն իրավունքն է։ Ռուսաստանը կարծում է, որ Հայաստանը շարունակում է դիվիդենտներ ստանալ ԵԱՏՄ անդամակցությունից, և դրանք առավել քան ակնհայտ են»․ հայտարարել է ՌԴ նախագահի մամուլի քարտուղար Դմիտրի Պեսկովը:

«Հայաստանը շարունակում է իր դիվիդենտներն ստանալ ԵԱՏՄ անդամակցությունից։ Այդ դիվիդենտներն ավելի քան ակնհայտ են», – ասել Է Պեսկովը՝ պատասխանելով Հայաստանի խորհրդարանի կողմից ԵՄ-ին անդամակցության գործընթացի մեկնարկի մասին օրինագծի ընդունման մասին հարցին։

ՌԴ նախագահի մամուլի քարտուղարը հայտարարել է, որ Հայաստանում կան ուժեր, որոնք կարծում են, թե ԵՄ կողմնորոշումը լրացուցիչ դիվիդենտներ կտա երկրին․

«Ըստ երևույթին, Հայաստանում կան որոշակի քաղաքական ուժեր, որոնք, հավանաբար հստակ պատկերացում չունենալով, թե արդյոք Եվրամիությունն ինքը շահագրգռված է դրանում, կարծում են, որ կողմնորոշումը դեպի Եվրամիություն որոշակի լրացուցիչ դիվիդենտներ կապահովի երկրի շահերի համար», – ասել Է Պեսկովը: