Պուտինը այլևս չի կարողանա գրավել Ուկրաինայի ոչ մի կտոր. Ռյուտե

Լրագրողների հետ զրույցում Ռյուտեն խոստովանել է, որ երեկ «շատ բան» է տեղի ունեցել։ Մեկնաբանելով Պենտագոնի ղեկավար Փիթ Հեգսեթի երեկվա հայտարարությունները` անիրատեսական է վերադարձնել Ուկրաինայի կողմից կորցրած հողերը, Ռյուտեն նախընտրել է կենտրոնանալ «տևական խաղաղության» անհրաժեշտության մասին իր ասածի վրա։ Այս մասին հայտնում է BBC-ն։

«Պուտինը պետք է հասկանա, որ սա վերջն է, որ նա այլևս չի կարողանա գրավել Ուկրաինայի ոչ մի կտոր»,- ասել է ՆԱՏՕ-ի գլխավոր քարտուղարը։

Ինչպես մյուս պաշտոնյաները, Ռյուտեն ընդգծել է, որ դաշինքը ցանկանում է Ուկրաինային դնել Կիևի համար ձեռնտու դիրքում։ Նա չի հստակեցրել, թե ինչպիսին կարող է լինել այս դիրքորոշումը՝ հաշվի առնելով Հեգսեթի և Թրամփի հայտարարությունները։

Հարցին, թե արդյոք Պուտինի և Թրամփի զրույցը կարելի է համարել խաղաղ բանակցությունների սկիզբ, ՆԱՏՕ-ի գլխավոր քարտուղարը պատասխանել է, որ «զանգը, ըստ ամենայնի, հաջող է անցել»։

Լրագրողներից մեկը Ռուտեին ասել է, որ տեղի ունեցողը Ուկրաինայի «դավաճանության» սկիզբ է թվում։ Նա համաձայն չէ այս գնահատականի հետ՝ հիշեցնելով, որ Թրամփը երեկ խոսել է ոչ միայն Պուտինի, այլև Ուկրաինայի նախագահ Վլադիմիր Զելենսկու հետ։

BBC-ի հարցին՝ արդյոք ԱՄՆ պաշտպանության նախարարի հռետորաբանությունը կարող էր վնասել դաշինքին, Ռյուտեն ասել է. «Հոգսեթի ելույթը և Վաշինգտոնից ստացված լուրերը ակնհայտորեն կարևոր հայտարարություններ էին: Բայց դաշինքը հենց այդպես էլ պետք է աշխատի: Մենք ժողովրդավարական երկրների դաշինք ենք, մենք պետք է բանավեճեր ունենանք»:

Թիվ 1