Իրաքից մեր երկիր այսօրվանից ներթափանցում են շատ տաք հոսանքներ. Սուրենյան

«Հիդրոօդերևութաբանության և մոնիթորինգի կենտրոնի» տնօրենի տեղակալ Գագիկ Սուրենյանը ասուլիսի ժամանակ հայտնել է, որ Հայաստանում մարտ ամսվա կանխատեսումներում փոփոխություններ են տեղի ունեցել. տեղումները նորմայից քիչ կլինեն, իսկ օդի ջերմաստիճանը` կլիմայական նորմայից բարձր 3-4 աստիճանով։

«Իրաքի շրջաններում մեր երկիր այսօրվանից սկսված ներթափանցում են շատ տաք օդային հոսանքներ։ Առաջիկա 10 օրերին մեր տարածաշրջանը, առհասարակ ամբողջ Կովկասը գտնվելու է այդ տաք հոսանքների ազդեզության գոտում, և մենք ունենալու ենք շարունակական օդի ջերմաստիճանի բարձրացում։

Արդեն մարտի 10-ին օդի ջերմաստիճանը ցերեկային ժամերին հանրապետության լեռնային մարզերում`

Շիրակում, Գեղարքունիքում, Կոտայքի, Արագածոտնի, Վայոց Ձորի լեռնային գոտիներում ցերեկային ժամերին օդի ջերմաստիճանը կհասնի 11-16 աստիճան տաքության։ Լոռիում այն կհասնի +16 ... +20 աստիճան, Տավուշում +20 … +24 աստիճան, Արարատում, Արմավիրում և Վայոց Ձորի նախալեռնային հատվածներում տաք օդի ջերմաստիճանը նույնպես կհասնի +20 – … +24 աստիճան տաքության։

Սյունիքի հովտային գոտիներում կդիտվի մինչև +26 աստիճան տաքություն, իսկ նախալեռնային հատվածներում` +18 … +22 աստիճան»,- նշել է Սուրենյանը։

Երևանում սպասվում է +21- … +23 աստիճան տաքություն։