Ավտոբուսների մեծ հոսք կա, նոր տրանսպորտային ցանցը շատ հարմար է. վարչապետ

«Ավտոբուսների շատ մեծ հոսք կա. կանգառում կանգնում ես, անընդհատ ավտոբուս է գալիս». հայտարարել է վարչապետ Նիկոլ Փաշինյանը ԱԺ-կառավարություն հարցուպատասխանի ժամանակ՝ մայրաքաղաքի տրանսպորտի մասին «Հայաստան» խմբակցության պատգամավորի հարցին ի պատասխան։

«Որքան երթևեկում եմ, այս նոր տրանսպորտային ցանցը շատ հարմար է»,- ասել է նա՝ հավելելով, որ սկզբնական շրջանում վալիդատորներն աշխատելու և տոմս գնելուց խնդիրների մասին էին խոսում, պարզվել է՝ այդ ամենը գիտելիքի խնդիր է։ «Նախկինում, եթե ես էլ պրոբլեմ էի ունենում, հիմա չունեմ։ Ու հետահայաց հասկանում եմ՝ ինչքան խնդիր է եղել, մեծ հավանականությամբ, իմ չիմացության պատճառով է եղել»։