Ես չեմ կարող ամեն օր զանգեմ ասեմ, որ երեկ հանձնարարել եմ՝ դա արվում է, թե՞ չէ․ Փաշինյան

ՀՀ վարչապետ Նիկոլ Փաշինյանը Կառավարության այսօրվա նիստում կարևորել է հանձնարարականները ճշգրիտ կատարելու մոտեցումը:

Այդ համատեքստում, տարբեր հարցերի քննարկմանն անդրադառնալով վարչապետն ասել է. «Հիմա եկել ենք, ես պատահական անդրադառնում եմ, ասում եք՝ «Հա, երևի», «Դե, կարող է», «Դե, ճիշտ է այսպես անել»։ Ժողովուրդ ջան, էդ ամեն ինչը հստակ հանձնարարված է։ Ես հստակ պատասխաններ եմ ակնկալում։ Սենց՝ «Դե, երևի, դե, հնարավոր է, ինչքան հիշում եմ, ինչքան գիտեմ, ինչքան կարող է»։ Սենց ո՞նց կլինի»։ Ես չեմ կարող ամեն օր զանգեմ ասեմ, որ երեկ հանձնարարել եմ՝ դա արվում է, թե՞ չէ։