Վրաստանը աջակցում է ՀՀ-ի և Ադրբեջանի՝ խաղաղությանն ուղղված ջանքերին

Վրաստանը մշտապես աջակցել և աջակցում է Հայաստանի և Ադրբեջանի՝ խաղաղությանն ուղղված ջանքերին՝ հայտարարել է Վրաստանի արտաքին գործերի նախարար Մակա Բոճորիշվիլին Raisina Dialogue համաժողովի շրջանակում:

«Հատուկ ուշադրության են արժանի խաղաղության և անվտանգության կարևորագույն գործոնները Հարավային Կովկասում։ Վրաստանը մշտապես աջակցել և աջակցում է իր հարևանների՝ Հայաստանի և Ադրբեջանի ջանքերին, և մենք ուրախ ենք, որ նրանք գտել են խաղաղության ճանապարհը և հայտարարել խաղաղության համաձայնագրի մասին, որն առաջնային նշանակություն ունի ողջ տարածաշրջանի համար»,- նշել է Բոճորիշվիլին:

Վրաստանի վարչապետը նշել է, որ Ադրբեջանի և Թուրքիայի հետ սերտ համագործակցության շնորհիվ իրականացվել են բազմաթիվ կարևոր նախագծեր:

Նա անդրադարձել է նաև Եվրամիության հետ հարաբերություններին և Միջին Միջանցքի հեռանկարներին՝ ընդգծելով, որ դրա զարգացումը Վրաստանի կառավարության համար առանցքային առաջնահերթություն է: