Հայաստանի դահուկասպորտի ֆեդերացիայի նախաձեռնությամբ ստեղծվել է դահուկային սպորտի և տուրիզմի ակադեմիա:
«Արմենպրես»-ի մամուլի սրահում լրագրողների հետ հանդիպման ժամանակ այս մասին հայտարարեց Հայաստանի դահուկասպորտի ֆեդերացիայի գլխավոր քարտուղար Գագիկ Սարգսյանը: Վերջինիս խոսքով` ակադեմիան կունենա մի քանի ուղղություններ, սակայն հիմնական գործառույթը կլինի դահուկային հրահանգիչների որակավորումը կլինի: «Փորձելու ենք անելու կանոնակարգել դաշտում առկա բաց մնացած հատվածը: Բանակցել ենք միջազգային ասոցիացիայի հետ և ակադեմիան կդառնա միջազգայինի անդամ»,-ասաց Սարգսյանը:
Ակադեմիայի կենտրոնը կլինի Աշոցքում, որտեղ կա դահուկային կենտրոն: Ակադեմիայում հնարավորություն կստանան նաև կրթվելու տաղանդավոր դահուկորդներ տարբեր մարզադպրոցներից: «Ակադեմիայում փորձելու ենք ներգրավել օտարերկրյա մասնագետների: Բացի դահուկավազքի կենտրոն դարձնելը, փորձ է արվելու աշոցքը դարձնել նաև սնոուբորդի և լեռնադահուկային սպորտի կենտրոն»,-առանձնացրեց նա:
Ակադեմիան կհամագործակցի Հայաստանի պարալիմպիկ կոմիտեի հետ: «Մենք մի կարևոր հարց ունենք հաշմանդամություն ունեցող մարզիկների հետ կապված, քանի որ ենթակառուցվածքները հարմարեցված չէ մարզիկների համար: Այդ է պատճառը, որ միջազգային մրցաշարեր չեն ընդունում մեր երկրում»,-շեշտեց Հայաստանի Պարալիմպիկ կոմիտեի նախագահ Հակոբ Աբրահամյանը:
Ակադեմիան ֆինանսավորվում է Հայաստանի դահուկասպորտի ֆեդերացիայի միջոցներից:
Մրցակցության պաշտպանության հանձնաժողովի նախագահ Գեղամ Գևորգյանը Վաշինգտոնում ընթացող Սպառողների պաշտպանության և օրենսդրության կիրարկման միջազգային ցանցի…
Բռնցքամարտի Հայաստանի ֆեդերացիայի նախագահ Հովհաննես Հովսեփյանի աջակցությամբ Գյումրու օլիմպիական հերթափոխի քոլեջի բռնցքամարտի մարզադահլիճն այսուհետև ունի…
ՀՀ ԱԺ պատվիրակությունը մասնակցում է Դուբլինում ընթացող Եվրոպայի անվտանգության եւ համագործակցության կազմակերպության խորհրդարանական վեհաժողովի (ԵԱՀԿ…
Հոկտեմբերի 3-ին Փարիզում՝ Ֆրանկոֆոնիայի նախարարական համաժողովի շրջանակներում, ՀՀ արտաքին գործերի նախարար Արարատ Միրզոյանը հանդիպում է…
Հոկտեմբերի 3-ին, ժամը 12:15-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ…
Ելիսեյան պալատում տեղի է ունեցել վարչապետ Նիկոլ Փաշինյանի հանդիպումը Ֆրանսիայի նախագահ Էմանուել Մակրոնի հետ: Զրուցակիցները…