Թրամփը պնդում է, որ իր որոշումը հետևանք չի ունեցել Կուրսկի շրջանում

ԱՄՆ նախագահ Դոնալդ Թրամփը խոսել է Օվալաձև աշխատասենյակում Վլադիմիր Զելենսկու հետ վեճի մասին և նշել , որ այն Ուկրաինայի վրա ճնշում գործադրելու ռազմավարության մաս է եղել:

«Մենք պետք է ստիպեինք Ուկրաինային ճիշտ բաներ անել։ Դա պարզ իրավիճակ չէր։ Դուք տեսաք մի փոքրիկ տեսարան Օվալաձև աշխատասենյակում, բայց ես կարծում եմ, որ հիմա նրանք ճիշտ բաներ են անում, և մենք փորձում ենք հասնել հրադադարի, իսկ հետո նաև խաղաղության համաձայնագրի», – ասել է Թրամփը։

Բացի այդ, պատասխանելով Ուկրաինային զենք և հետախուզական տվյալներ տրամադրելու դադարեցման մասին հարցին, Թրամփը հայտարարել է, որ այդ որոշումը, իր կարծիքով, որևէ հետևանք չի ունեցել Ռուսաստանի Կուրսկի մարզում Ուկրաինայի զինված ուժերի համար:

«Ընդհանրապես։ Ընդհակառակը։ Դուք պետք է հասկանաք, որ եթե ես տեսնում եմ, որ ինչ-որ մեկը ինչ-որ վատ բան է անում, ինչը հանգեցնում է շատ մահերի, միակ պատճառը, որ ես միջամտում եմ, մարդասիրությունն է: Ես միջամտում եմ հանուն մարդկության, քանի որ այնտեղ շատ մարդիկ են զոհվում», – հավելել է Թրամփը։