Օրեր առաջ ՀՀ պետական վերահսկողական ծառայության գլխավոր քարտուղարի տեղակալ է նշանակվել Կոտայքի ՀՀԿ-ական նախկին փոխմարզպետ Կարեն Մարգարյանը: ՀԺ-ի տեղեկությունը երեկ հաստատեցին ՊՎԾ աշխատակազմից:
Այստեղից նաեւ տեղեկացրին, որ Մարգարյանն այս պաշտոնում նշանակվել է մրցութային կարգով:
ՊՎԾ գլխավոր քարտուղարի տեղակալի պաշտոնակատարի թափուր պաշտոնի համար դիմել էր 5 քաղաքացի, որոնցից 2-ը չեն համապատասխանել սահմանված չափանիշներին: Ըստ այդմ՝ հարցազրույցի փուլն անցել է Կարեն Մարգարյանը, եւ նրա հետ կնքվել է ժամանակավոր պայմանագիր:
ՊՎԾ-ից նաեւ հայտնել են, որ նախկին փոխմարզպետը ներկայումս անկուսակցական է, եւ նրա քաղաքական կամ պետական նախկին գործունեության ուղղությամբ իրավախախտումներով կամ որեւէ այլ աղմկահարույց գործընթացներով ուղեկցվող պաշտոնական տեղեկություններ առկա չեն:
Մանրամասները՝ սկզբնաղբյուրում։
