ՀՀ-ն շարունակում է առաջ մղել խաղաղության օրակարգը. Գրիգորյան

«ՀՀ-ն շարունակում է առաջ մղել խաղաղության օրակարգը»,- հայտարարել է ԱԽ քարտուղար Արմեն Գրիգորյանը։

Նրա խոսքով, խաղաղության պայմանագրի բոլոր հոդվածները համաձայնեցված են, և ՀՀ-ն՝ վարչապետի գլխավորությամբ, հայտարարում է, որ պատրաստ է ստորագրությունը դնել այդ պայմանագրի տակ, ինչպես նաև սկսել տեխնիկական քննարկումներ՝ օրվա, ժամի և մնացած հարցերի հստակեցման համար։

«Տեքստը ամբողջությամբ համաձայնեցված է, և կարծում ենք, որ պետք է հանդիպում տեղի ունենա այն ստորագրելու համար»,- ասել է նա։

Ինչ վերաբերում է խաղաղության պայմանագրի հրապարակմանը, Գրիգորյանը նշել է, որ այս մասին հանրությանը մանրամասն տեղեկատվություն տրվել է. «Հասկանում եմ, որ հանրային հետաքրքրություն կա պայմանագիրն ավելի մանրամասն իմանալու համար, բայց հաշվի առնելով, որ դեռևս օրվա և տեղի մասով համաձայնություն չունենք, շարունակում ենք աշխատել, և երբ այն լինի, պայմանագրի տեքստը ևս կներկայացնենք»։