Սահմանին ադրբեջանական զորքերի տեղաշարժ չկա. Պապիկյան

ՀՀ պաշտպանության նախարար Սուրեն Պապիկյանն անդրադարձել է սահմանին իբրև թե կրակոցների մասին ադրբեջանական ապատեղեկատվությանը՝ նշելով, որ հայկական կողմն առաջարկել է տրամադրել ապացույցներ և տեսանյութեր։ «Մենք պատրաստ ենք ուսումնասիրել և հետաքննել։ Մինչ օրս նման արձագանքներ չենք ստացել»,- ասել է Պապիկյանը։

Սահմանին ադրբեջանական զորքերի տեղաշարժի մասին հարցին ի պատասխան նախարարը ժխտողական պատասխան է տվել. «Ոչ, չկա»։

Նա նաև հերքել է սահմանին զորքերի տեղաշարժի ու հայկական դիրքերի ուղղությամբ կրակոցների մասին լուրերը. «Այս պահին գետնի վրա նման երևույթ տեսանելի չէ։ Մամուլում տարածվող ապատեղեկատվությունը, թե տեղի են ունենում զորքերի կուտակումներ և տեղաշարժեր, ՊՆ-ն չի հաստատում»։

Ըստ նախարարի՝ «բոլոր վտանգավոր կրակոցները և խախտումները, որոնք ուղղված են մեր դիրքերին և անձնակազմին, ՊՆ-ի կողմից մշտապես արձանագրվել են, և այդ մասին տրվել են համապատասխան հաղորդագրություններ»։