Ատոմակայանի գիշերային աշխատանքից գոյացած ավելցուկն ինչպե՞ս է օգտագործվում մրցունակ դառնալու համար. Սուքիասյան

Երբ մենք գիշերները ունենում ենք ավելցուկ ատոմակայանի աշխատանքի արդյունքում, սրա համար ինչ կարգի պետական ծրագրեր, նախագծեր ունեք, որպեսզի կարողանանք այդ ավելցուկը օգտագործել մրցունակ արտադրությունն, մրցունակ ապրանքներ, մրցունակ կազմակերպություներ ստեղծելու, ունենալու, ճանապարհ բացելու համար։

ԱԺ հերթական նիստում նման հարց ուղղեց «Քաղաքացիական պայմանագիր» խմբակցության պատգամավոր Խաչատուր Սուքիասյանը Հանրային ծառայությունները կարգավորող հանձնաժողովի նախագահ Մեսրոպ Մեսրոպյանին։

Նա նաև ցանկացավ հասկանալ, թե ինչու ատոմակայանը չի մտնում շուկա։ Մասնավորապես նա նշեց․ «Երբ ասում եք, որ շուկայից ձեռք ենք բերում և գինը ավելի բարձր է, քան պետությունը պարտավորություն է վերցնում, ուրեմն այս դեպքում ատոմակայանը, որն մեր ամենամեծ արտադրողն, ինչու շուկա չի մտնում։ Եւ բարձր ասելով ի՞նչ եք ուզում ասել, մենք քանդում ենք ամբողջ տնտեսությունը, ոչ մրցունակ ենք դարձնում։ Այդ բարձրի գնահատաանը ճիշտ տվեք, որ մենք հասկանանք՝ ինչ բարձրի մասին է խոսքը։ Արդյոք այդ բարձր լինելով մենք մրցունակ ենք թե չէ։

Մեսրոպյանը պատասխանեց, որ ատոմակայանը իր արատադրանքը շուկայական իրականության մեջ վաճառում է կարգավորվող սակագաններով։ Չենք կարող այն ամբողջապես հանել ազատ շուկա և ինքը փորձի այնտեղ ավելի թանկ գնով էլեկտրաէներգիան վաճառել, իսկ կենցաղային սպառողը ստիպված մեծ սակագնային բեռի տակ ընկնի։