Մարտուն Գրիգորյանը ՀՀԿ-ական չէ, չենք կարող. Աբրահամյան

Մարտուն Գրիգորյանը չի եղել ՀՀԿ-ական և այսօր էլ չի ներկայացնում Հանրապետական կուսակցությունը. այս մասին այսօր լրագրողների հետ զրույցում ասաց ԱԺ «Պատիվ ունեմ» խմբակցության քարտուղար Տիգրան Աբրահամյանը։

«Հանրապետական կուսակցությունն իրեն չի կարող իրավունք վերապահել նույն խմբակցության անկուսակցական անդամի նկատմամբ ո՛չ որևէ ճնշում գործադրել, ո՛չ նրան ուղղորդել, ո՛չ էլ՝ նրան ասել այն իրականությունը, որով նա պետք է շարժվի»,- նշեց Աբրահամյանը։

Նրա խոսքով՝ Գյումրիի քաղաքապետի ընտրության շուրջ ստեղծված իրավիճակի հետ կապված իրենք Գրիգորյանին հայտնել են իրենց կարծիքը.

«Զերծ ենք մնում հանրայնությունից, որպեսզի դա որևէ ձևով ազդեցություն կամ ճնշում չդիտվի Մարտուն Գրիգորյանի վրա, առավել ևս, որևէ երրորդ ուժ դա չօգտագործի նրան խոցելի դարձնելու տեսանկյունից»,- նշեց նա։