Նոր իշխանությունները հայտարարում են, որ մեր ուսուցիչը պիտի լավ ապրի: Ես չգիտեմ որևէ իշխանություն, որն ասի՝ մեր ուսուցիչը պիտի վատ ապրի: Այս մասին այսօր ԱԺ-ում «Կրթության ոլորտի բարեփոխումները, առաջիկա ռազմավարական մարտահրավերները» թեմայով քննարկման ժամանակ ասաց ազգագրագետ Հրանուշ Խառատյանը:
«Առաջին նիստին ասվեց, թե մեր նպատակն ազատ և քննադատական մտածող քաղաքացի ստեղծելն է: Բոլոր իշխանությունները սովորաբար հենց այդպես են ասում, բայց բոլորն ամեն ինչ անում են, որ հենց այդ քաղաքացին չստեղծվի: Ես վստահ չեմ, որ այս դեպքում էլ այս նույն ճանապարհով չենք գնա»,- ասաց Խառատյանը՝ հավելելով, որ սա ընդհանուր փորձի հանրագումարային մոտեցում է:
Նա հարց հնչեցրեց՝ ինչպես պետք է կրթվի ազատ և քննադատաբար մտածող անչափահասը դպրոցում, եթե մենք, մեծ հաշվով, չունենք այդ ուսուցիչը, և որտեղից պիտի լինի այդ ուսուցիչը, եթե դասագրքում գրված բացարձակ ճշմարտությունից այն կողմ այլ բան չենք տալիս, որ նա կարողանա այդ մտածողությունը կիրառի իր հանդեպ, հետո՝ դպրոցի հանդեպ:
Ամբողջական հոդվածը կարող եք կարդալ «Հայկական ժամանակ»-ում։
