Իմ ընկերության դեմ հարուցվել է քրեական գործ՝ «Թողություն» ֆիլմի գումարը շորթելու մեղադրանքով․ Հովհաննես Գալստյան

Կինոռեժիսոր Հովհաննես Գալստյանը ֆեյսբուքյան իր էջում գրում է․

«Թողության» սիրելի երկրպագուներ, ներող եղեք գրառման կոշտ բառակազմի համար, հավատացե՛ք, մեր դեմ քրեական գործ հարուցողներն ու մեր ֆիլմերը փակել փորձողները ավելիին են արժանի։
–
ՀՀ պետական ամենաողորմելի հիմնարկի՝ կինոկենտրոնի տնօրենի ժպ-ն «Թողության» ընթացքից հասկացել է, որ Պարալլելս Ֆիլմպրոդաքշնի դեմ լարած ծուղակը չի աշխատել, ավելին, ինչպես ասում է գործին մոտ կանգնած իրավապահներից մեկը՝ սրած բիզը մտնելու է սրողի ․․ը , ու կրկին փորձում է ակտիվանալ։
–
Հիշեցնեմ․ Ամիրյան Արմենի կողմից «Տատիկիս վարսերը» ֆիլմի ֆինանսավորումը փակելու նպատակով կինոկենտրոն գործուղված (հետո սահուն կերպով նոր իշխանության «մարդը» դառած), այս բույսը, ձեռքի տակ ունենալով մեր ֆիլմերի բոլոր նյութերը, ընտրել է դրանց մի մասը, իր պես թշվառներից հավաքել է «գեղարվեստական խորհուրդ» ու ստիպել է ստորագրել դիմում գլխավոր դատախազին։ Էս գարշելի սադրանքի արդյունքում մի շարք «արվեստի գործիչներ» ապականել են իրենց անունը, իսկ իմ ընկերության դեմ հարուցվել է քրեական գործ՝ «Թողություն» ֆիլմի գումարը շորթելու մեղադրանքով։
–
Մեղադրանքը ոչ միայն ջուր է, այլև՝ աբսուրդ, որովհետև կինոկենտրոնը ինքն է վարել ֆիլմի հաշվապահությունը՝ պետական գումարների մասով։ Կինոկենտրոնը հսկայական, չարդարացված հարկեր է մուծել «Թողության» պետական գումարներից ու իր հետ սերտաճած ընկերություններին է փոխանցել ահռելի գումարներ՝ տեխնիկայի վարձակալության համար։ Հետևաբար, եթե անգամ «Թողություն» ֆիլմով ինչ որ մեկը ինչ որ բան շորթել է, ապա այդ մեկին պետք է փնտրել կինոկենտրոնում։ Կինոկենտրոնի հետ թեկուզ մեկ անգամ աշխատած ցանկացած մարդ գիտի ինչպես են հաշվապահություն վարում այդ կատույցում։ Պարալլելս Ֆիլմպրոդաքշնը ավարտել է «Թողությունը», կինոկենտրոնում հասկացել են ինչ ցավոտ է լինելու հատուցումը անկախ կինոընկերությանը 3 տարի աշխատանքից զրկելու, հաշիվները սառեցնելու, ֆիլմերը փակելու համար։ Ահա, այս սարսափը զգալով, ԺՊ-ն քշտել է փեշերը ու կրկին ընկել է իրավապահների դռները։ Կամ նրա վզին տվել են վերևից, ստիպել են ակտիվանալ։
–
Այսպես թե այնպես, ես ավարտել եմ «Թողությունը»։ 2018թ-ի աշնանը ընդդեմ կինոկենտրոնի ու մշ․նախարարության՝ «Տատիկիս վարսերը» ֆիլմը ապօրինի կասեցնելու, ներդրողներին տրված երաշխիքը դրժելու, պետական գումարով նկարահանված նյութը ոչ պիտանի դարձնելու համար սկսած դատերը 2020-ին դառնալու են թոփ-թեմա։ Ես խոստացել եմ հայկական կինոյի պատմության մեջ ամենաաղմկոտ, պետական կառույցների համար ամենաամոթալի հրապարակային դատավարությունը, ու դուք, ողորմելի ստահակներ, ստանալու եք դա՝ ներհայաստանայն և միջազգային դատարաններում, ուր էլ սողաք, ոնց էլ թփրտաք՝ չեք պլստալու… շուշանները՜ս..