Ռազմական ծախսերը գերազանցել են «Սառը պատերազմի» շրջանի ռեկորդը. SIPRI

Ստոկհոլմի միջազգային խաղաղության հետազոտությունների ինստիտուտի (SIPRI) տվյալներով՝ 2024 թվականին պաշտպանության համաշխարհային ծախսերը հասել են ռեկորդային 2,718 տրիլիոն դոլարի՝ 2023 թվականի համեմատ աճելով 9,4 տոկոսով: Ավելի քան 100 երկրներ ավելացրել են իրենց ռազմական բյուջեները։

Եվրոպայում ռազմական ծախսերի ավելացման պատճառները եղել են Ուկրաինայում պատերազմը և ԱՄՆ-ի, որպես ՆԱՏՕ-ի դաշնակցի, դիրքորոշման փոփոխությունը:

Ռուսաստանի ծախսերն աճել են 38 տոկոսով՝ հասնելով 149 մլրդ դոլարի, ինչը կրկնակի շատ է, քան 2015 թվականին։

Ուկրաինայում պաշտպանական բյուջեն կազմել է 64,7 մլրդ դոլար կամ ՀՆԱ -ի 34% -ը, որն ամենաբարձր ցուցանիշն է աշխարհում։

ԱՄՆ-ում ծախսերն ավելացել են 5,7 տոկոսով՝ հասնելով 997 մլրդ դոլարի, ինչը կազմում է համաշխարհային ռազմական ծախսերի 37 տոկոսը: