Նեթանյահուն հետաձգել է Ադրբեջան այցը

Իսրայելի վարչապետ Բենիամին Նեթանյահուի այցն Ադրբեջան հետաձգվել է։

Այս մասին հայտնում է Իսրայելի վարչապետի գրասենյակը։

«Գազայի հատվածում և Սիրիայում տեղի ունեցող իրադարձությունների լույսի ներքո, ինչպես նաև քաղաքական իրադարձությունների և անվտանգության միջոցառումների խիտ գրաֆիկի պատճառով Նեթանյահուն որոշել է հետաձգել իր այցը Ադրբեջան այլ ժամկետով։ Վարչապետը շնորհակալություն է հայտնել Ադրբեջանի նախագահ Ալիևին հրավերի համար և բարձր է գնահատել երկու երկրների միջև առկա ջերմ հարաբերությունները»,- ասված է հայտարարության մեջ։

Հիշեցնենք, որ ավելի վաղ Թուրքիան հայտարարել էր, որ չի պատրաստվում բացել իր օդային տարածքը Նեթանյահուի ինքնաթիռի համար՝ վերջինի՝ Ադրբեջան այցի համար։