2024թ․ տնտեսական աճը կազմել է 5.9%

ՀՀ ֆինանսների նախարար Վահե Հովհաննիսյանը սոցցանցի իր էջում գրել է.

«ՀՀ 2024 թվականի պետական բյուջեի կատարման տարեկան հաշվետվության քննարկումներն արդեն մեկնարկել են։ Տարվա այս շրջանը հերթական հիշեցումն է, որ բյուջեն վերացական փաստաթուղթ չէ. այն ձևավորվում է բոլորիս ամենօրյա կարիքների և երկարաժամկետ իղձերի հիման վրա՝ նպատակ ունենալով բարելավել հանրային ծառայությունների որակը և ապահովել համընդհանուր բարեկեցություն։

Բյուջետային տարվա այս հատվածը ևս մեկ անգամ հիշեցնում է, թե որքան կարևոր է մեր քաղաքացիների անմիջական ներգրավվածությունը բյուջեի կատարմանը վերաբերող քննարկումներին, քանի որ հենց նրանք են բյուջեի վերջնական շահառուները և նպատակակիրները»։

Նա նաև հայտարարել է.

«2024թ․ տնտեսական աճը կազմել է 5.9%, ինչը 1.1 տոկոսային կետով պակաս է բյուջեի թիրախից, սակայն 0.1 տոկոսային կետով գերազանցում է 2025թ․ բյուջեի կանխատեսումները»։