2024 թվականին 20,770 անձի ՀՀ քաղաքացիություն է շնորհվել

ՀՀ նախագահի համապատասխան հրամանագրերի շրջանակներում 2024 թվականին քաղաքացիություն է շնորհվել 20,770 անձի։ Այս մասին հունիսի 6-ին խորհրդարանի մշտական ​​հանձնաժողովների համատեղ նիստերում՝ «ՀՀ 2024 թվականի պետական ​​բյուջեի կատարման մասին» զեկույցի քննարկման ժամանակ հայտարարեց նախագահի աշխատակազմի ղեկավարի տեղակալ Խաչատուր Պողոսյանը։

«Կառավարության լիազոր մարմինների առաջարկությունների հիման վրա ՀՀ նախագահը ստորագրել է 185 հրամանագիր՝ 2024 թվականին ՀՀ քաղաքացիություն շնորհելու վերաբերյալ», – ասել է Պողոսյանը։ Նախագահի հրամանագրերով դադարեցվել է 3,746 անձի քաղաքացիությունը։