Բավական է, հիմա պետք է ապրենք խաղաղ․ Ալիև

Ադրբեջանի նախագահ Իլհամ Ալիևը հայտարարել է, որ խաղաղության պայմանագիրը կարող է ստորագրվել Հայաստանի Սահմանադրության փոփոխությունից և ԵԱՀԿ Մինսկի խմբի լուծարումից հետո։

«Այո, տեքստը կարող է նախապես նախաստորագրվել, և ադրբեջանական կողմն արդեն իսկ նման առաջարկ է արել Աբու Դաբիում։ Սակայն, ինչպես գիտեք, փաստաթղթի նախաստորագրումը չի նշանակում դրա ստորագրում։ Այսինքն՝ բանավոր համաձայնություն հայտնելը մեկ բան է, իսկ փաստաթղթի յուրաքանչյուր էջի նախաստորագրումը՝ մեկ այլ բան։ Կարծում եմ՝ մենք շատ մոտ ենք խաղաղության պայմանագրի ստորագրմանը»,- հավելել է նա։

Ալիևը հավելել է, որ Հարավային Կովկասը կդառնա կայուն տարածաշրջան։

«Հարավային Կովկասը դարեր շարունակ եղել է արյունահեղության, բռնի բախումների, պատերազմների և օկուպացիայի գոտի, Կովկասի ժողովուրդները կրել են հսկայական տառապանքներ, բավական է։ Հիմա մենք պետք է ապրենք խաղաղության մեջ»։