10․000 դրամ տուգանք՝ չնախատեսված հատվածով փողոցը հատելու համար

ՆԳՆ ոստիկանությունից հայտնում են.

«Հաշվի առնելով քաղաքացիների առաջարկները՝ ՆԳ նախարարության նախաձեռնությամբ «Վարչական իրավախախտումների վերաբերյալ» ՀՀ օրենսգրքում կատարվել է փոփոխություն, համաձայն որի՝ օգոստոսի 2-ից այն հետիոտները, որոնք կխախտեն երթևեկելի մասը հատելու կարգը՝ այսինքն փողոցը կանցնեն չնախատեսված հատվածով, կենթարկվեն առավել խիստ պատասխանատվության։

Եթե նախկինում նման խախտման համար նախատեսված էր վարչական պատասխանատվություն նվազագույն աշխատավարձի հնգապատիկի, այսինքն՝ հինգ հազար դրամի չափով, ապա այժմ տուգանքի չափը խստացվել է և կազմում է տասը հազար դրամ»։