Հայկական կողմը վստահեցրել է, որ ծանոթ է Թեհրանի «կարմիր գծերին». Արաղչի

Հայկական կողմը վստահեցրել է, որ ծանոթ է Թեհրանի «կարմիր գծերին». այս մասին ասել է Իրանի արտգործնախարարը Փաշինյանի և Փեզեշկիանի միջև բանակցություններից հետո։

«Երևանը մանրամասն բացատրություններ է տվել Սպիտակ տանը վերջերս կայացած եռակողմ գագաթնաժողովի վերաբերյալ և վստահեցրել, որ միշտ հաշվի կառնի Թեհրանի դիրքորոշումը տարածաշրջանային երթուղիների համատեքստում»,-նշել է Աբբաս Արաղչին։

Հայաստանի և Իրանի առաջնորդները քննարկել են տնտեսական ոլորտում, ինչպես նաև մշակույթի ոլորտում համագործակցությունը և համաձայնության են եկել ավարտել ռազմավարական համագործակցության վերաբերյալ համապարփակ փաստաթղթի վրա աշխատանքը։