Ակնկալում եմ Քաղավիացիայի կոմիտեի և ԱԳՆ-ի պարզաբանումը․ Արման Բաբաջանյան
ԱԺ պատգամավոր Արման Բաբաջանյանը ֆեյսբուքյան իր էջում գրել է․
Ակնկալում եմ Քաղավիացիայի կոմիտեի և ԱԳՆ-ի պարզաբանումը
2020 թվականի մարտից ուղիղ ավիահաղորդակցություններ կսկսվեն Ղրիմի՝ Սիմֆերոպոլի և Երևանի միջև: Այդ մասին, ըստ РИА «Новости» գործակալության, հայտարարել է Ղրիմի խորհրդարանի զրոսաշրջության, առողջարանների և սպորտի հարցերով հանձնաժողովի նախագահ Ալեքսեյ Չերնյակը: Ըստ նրա՝ ավիաընկերությունը, որը պատրաստվում է իրականացնել այդ թռիչքները, արդեն ստացել է համապատասխան թույլտվությունները: Չերնյակն ասել է, որ ներկայումս ընթանում են չվացուցակների և օդանավակայանների համաձայնեցման աշխատանքներ: Չվերթները իրականացվելու են շաբաթական երկու անգամ: Չերնյակը նշել է նաև, որ դեպի Երևան ավիահաղորդակցությունը կդառնա առաջին միջազգային ուղղությունը 2014 թվականի մարտին Ղրիմում իրականացված հանրաքվեից հետո:
Հայաստանի քաղաքացիական ավիացիայի կոմիտեն դեռևս պարզաբանումներ չի ներկայացրել այս խնդրի առնչությամբ: Մինչդեռ այս հարցը պարզաբանման կարիք ունի, քանի որ կարող է խիստ խնդրահարույց դառնալ ինչպես հայկական ավիացիայի համար, այնպես էլ արտաքին քաղաքական առումով: Քաղաքացիական ավիացիայի միջազգայյին կազմակերպությունը՝ ԻԿԱՕ-ն, սահմանել է խիստ պատժամիջոցներ դեպի Ղրիմ ավիաթռիչքներ իրականացնող երկրների ու ավիաընկերությունների համար, և եթե Ղրիմի խորհրդարանի պաշտոնյայի հայտարարությունը համապատասխանում է իրականությանը, ապա Հայաստանի Քաղաքացիական ավիացիայի կոմիտեի նկատմամբ կարող են պատժամիջոցներ կիրառվել՝ դրանից բխող բոլոր հետևանքներով:
Բացի դրանից, խնդիրն անշուշտ ունի արտաքին քաղաքական բաղադրիչ:
Ղրիմի բռնակցումը Ռուսաստանին դարձել է ներկայիս աշխարհաքաղաքական հարաբերությունների առանցքային ուղենիշներից մեկը, Ռուսաստան-Արևմուտք հակադրության հիմնական պատճառը: Դեպի Սիմֆերոպոլ թռիչքներ իրականացնելով՝ Հայաստանն անուղղակիորեն ճանաչելու է Ղրիմի՝ Ռուսաստանին բռնակցման լեգիտիմությունը՝ խնդիրներ ստեղծելով արևմտյան երկրների հետ հարաբերություններում:
Ավելորդ է ասել, թե ինչպիսի խնդիրներ կարող են առաջանալ դրա պատճառով Ղարաբաղյան հակամարտության կարգավորման գործընթացում: Եթե Սիմֆերոպոլ-Երևան չվերթները իրականություն դառնան, դա մեծագույն նվեր կլինի Ռուսաստանին, քանի որ մինչև օրս որևէ երկիր ու որևէ ավիաընկերություն չի համաձայնել թռիչքներ կատարել դեպի Ղրիմի թերակղզի: Բայց այդ նվերը կարող է չափազանց թանկ արժենալ Հայաստանի համար:
Ակնկալում եմ Քաղաքացիական ավիացիայի կոմիտեի, ինչպես նաև արտաքին գործերի նախարարության պարզաբանումները այս չափազանց նուրբ ու միևնույն ժամանակ վտանգավոր տեղեկատվության վերաբերյալ:
Recent Posts
Կրակոցներ չկան, ոչ ոք չի վիրավորվում, ոչ ոք չի մահանում․ Ալիև
Մյունխենում «Բաց միջանցքների քաղաքականություն․ տրանսկասպյան համագործակցության խորացում» թեմայով վահանակային քննարկման ժամանակ Ադրբեջանի նախագահ Իլհամ Ալիևը…
դատախազությունը քրեական հետապնդում է հարուցել Գարեգին Բ-ի նկատմամբ․ փաստաբան
ՀՀ դատախազությունը քրեական հետապնդում է հարուցել Ամենայն Հայոց կաթողիկոս Գարեգին Բ-ի նկատմամբ՝ Արման Սարոյանի հետ…
Չի կարող լինել վարչապետի թեկնածու. ջախջախիչ պարտություն են տանելու. Սիմոնյանը՝ Կարապետյանին
ԱԺ նախագահ Ալեն Սիմոնյանը պնդում է՝ Սամվել Կարապետյանը չի կարող լինել վարչապետի թեկնածու։ «Ինքը չի…
Ցանկացած պարագայում ՀՀ-ի շահն ենք պաշտպանելու. Գևորգ Պապոյան
Եթե Ռուսաստանը կարողանա ներդրումներ անել և սպասարկել համակարգը, որ բեռները ՀՀ-ով անցնեն և մենք դրանից…
Փաշինյանի և Ալիևի «մարդկային եղբայրության» շնորհիվ 120,000 ղարաբաղցիներ փախստական են դարձել. Զատուլին
Պետդումայի հանձնաժողովի նախագահի առաջին տեղակալ Կոնստանտին Զատուլինը պատասխանել է Հայաստանի վարչապետ Նիկոլ Փաշինյանի քննադատությանը, որը…
Բոլորն էլ վերադառնալու են. Ալեն Սիմոնյանը՝ Բաքվում պահվող հայ գերիների մասին
ԱԺ նախագահ Ալեն Սիմոնյանը վստահ է, որ Բաքվում պահվող հայ գերիները վերադառնալու են, թե երբ…