«Բիլայնը» դիմել է Հանրային ծառայությունները կարգավորող հանձնաժողով իր բաժնետոմսերը «Յուքոմ» ընկերությանը վաճառելու վերաբերյալ թույլտվություն ստանալու համար: Այս մասին Tert.am-ի հետ զրույցում հայտնել է ՀԾԿՀ մամուլի քարտուղար Լիանա Ազիզյանը:
Նրա խոսքով՝ Էլեկտրոնային հաղորդակցության մասին օրենքի համաձայն՝ կարգավորող մարմինը պետք է համաձայնություն տա վերը նշված գործարքին: Առանց կարգավորողի համաձայնության, գործարքը տեղի չի ունենում:
««Բիլայն» ընկերությունը դիմել է մեզ, որ մտադիր է վաճառել իր բաժնետոմսերը «Յուքոմ» ընկերությանը: Հարցը հիմա քննարկման փուլում է, որոշման հստակ ժամկետներ չկան»,- ասաց Լիանա Ազիզյանը:
ՀԾԿՀ մամուլի քարտուղարը նաև հայտնեց, որ «Բիլայն» ընկերության դիմումի վերաբերյալ պետք է կարծիքներ հայտնեն նաև նախարարություններ, այլ գերատեսչություններ:
