«Թրամփի երթուղին» կբարդացնի ՀՀ-ի և ՌԴ-ի հարաբերությունները. Դիմիտրի Սիմես

«Թրամփի երթուղի» նախագիծը, որը ենթադրում է Ադրբեջանի և Նախիջևանի ինքնավարության միջև տրանսպորտային կապի ստեղծում Հայաստանի տարածքով, օբյեկտիվ պատճառներով կարող է բարդացնել Հայաստանի և Ռուսաստանի հարաբերությունները։ Նման հայտարարություն է արել քաղաքագետ և պատմաբան Դիմիտրի Սիմեսը՝ ելույթ ունենալով «Հայաստան – ԵԱՏՄ» համաժողովում։

Ի պատասխանհարցին, թե իր կարծիքով արդյոք Հայաստանի, Ադրբեջանի և Միացյալ Նահանգների ղեկավարների եռակողմ համաձայնագրերը հակաիրանական և հակառուսական նախագիծ են, և այդ գաղափարին ինչի կհակադրի Ռուսաստանի Դաշնության քաղաքական ղեկավարությունը, Դիմիտրի Սիմեսն ասել է.

«Ես չեմ կարող ասել, թե արդյոք սա մտահղացվել է որպես հակառուսական նախագիծ։ Ես կարող եմ ասել ձեզ իմ տեսանկյունից. օբյեկտիվ հետևանքների առումով այս նախագիծը, իհարկե, կարող է բարդություններ ստեղծել Հայաստանի և Ռուսաստանի, ինչպես նաև Հայաստանի և Իրանի միջև»։

Ըստ նրա, հայ ժողովուրդը պետք է որոշի, թե որքանով է այն համապատասխանում Հայաստանի շահերին։

«Սակայն մտածել, որ աշխարհաքաղաքական տեսանկյունից Հայաստանը կարող է համաձայնել նման քայլի՝ առանց որոշակի գին վճարելու Ռուսաստանի հետ հարաբերություններում և առանց բարդացնելու Մոսկվայի հետ հարաբերությունները, միամտություն կլինի»,-նշեց փորձագետը։