Մեր «քոռ աչքով» ենք տեսել հայկական կողմի առաջարկներն Ադրբեջանին․ Գեղամ Մանուկյան

«Երկար ժամանակ ծանոթացել ենք Ադրբեջանի հետ բանակցվող փաստաթղթին և հատ-հատ տեսել ենք այն կետերը, որոնք հայկական կողմն առաջարկել է Ադրբեջանին»,- հայտարարել է ԱԺ «Հայաստան» խմբակցության անդամ Գեղամ Մանուկյանը։

Նրա խոսքով՝ Հայաստանը առաջարկել էր սահմանից հայելային զորքերի ետքաշում, սակայն Ադրբեջանը մերժել է, և հիմա այդ կետը փաստաթղթում չկա։

Ըստ նրա՝ սխալ են այն հայտարարությունները, թե փաստաթղթում երբեք չի եղել ԽՍՀՄ Գլխավոր շտաբի քարտեզների մասին հիշատակում. «Հայկական կողմը առաջարկել է, և երկար ժամանակ մեր «քոռ աչքով» ենք տեսել դա։ Հիմա հրապարակվածի մեջ չկա։ Նաև առաջարկվել է վեճերը լուծելու համար միջազգային մասնակցություն հանձնաժողովում, հիմա դա էլ չկա։ Էլ ո՞րն է հայկական շահը»,- հարցրել է նա։