Կիևը պատրաստ չէ հակամարտության կարգավորման շուրջ բանակցություններ սկսել․ Պեսկով

Ռուսաստանը չի տեսնում Կիևի պատրաստակամությունը հակամարտության կարգավորման վերաբերյալ լուրջ քննարկումներ սկսելու համար։ Այս մասին ճեպազրույցի ժամանակ հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Կա դադար, այս դադարը ակնհայտ է։ Տեսեք ուկրաինական դիրքորոշման մեջ ճկունություն չկա, և Կիևի ռեժիմը պատրաստ չէ իսկապես լուրջ քննարկումներ սկսել», – նշել է Կրեմլի ներկայացուցիչը։

Նա նաև խոսել է Ռուսաստանի և Ուկրաինայի նախագահների հանդիպման մասին։ Պեսկովը ընդգծել է, որ այն պետք է լավ նախապատրաստված լինի, քանի որ հակառակ դեպքում նման հանդիպումը «բացարձակապես անօգուտ կլինի»։ Մամուլի քարտուղարի խոսքով՝ կողմերի կողմից փորձագիտական ​​մակարդակով հանդիպման ժամանակ ձեռք բերված պայմանավորվածությունները պետք է քննարկվեն ամենաբարձր մակարդակով բանակցությունների ժամանակ։

«Եվ ո՛չ Կիևի ռեժիմը, ո՛չ էլ եվրոպացիները պատրաստ չեն դա անել», – եզրափակել է Պեսկովը։