«Պուտինը չարդարացրեց իմ սպասելիքները». Թրամփ

ԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինը «չի արդարացրել իր սպասելիքները» ռուս-ուկրաինական պատերազմի կարգավորման հարցում, հաղորդում է Bloomberg-ը։

«Նա չարդարացրեց իմ սպասելիքները։ Ես նկատի ունեմ, որ նա սպանում է շատ մարդկանց, և նա կորցնում է ավելի, քան սպանում է»,- ասել է Թրամփը սեպտեմբերի 18-ին։

Լրագրողների հարցին՝ արդյոք ժամանա՞կն է Պուտինին խնդրելու դադարեցնել կրակը Ուկրաինայում, Թրամփը պատասխանել է. «Ես այդպես չեմ կարծում»։ «Բայց անհրաժեշտ պահին, եթե ես ստիպված լինեմ դա անել, դա կլինի կոշտ»,- հավելել է նա։

Թրամփը կրկին հայտարարել է, որ եվրոպական երկրները և ՆԱՏՕ-ի դաշնակիցները պետք է դադարեցնեն Ռուսաստանից նավթ գնելը։ «Պարզ ասած, եթե նավթի գինը իջնի, Պուտինը կհանձնվի։ Նա ընտրություն չի ունենա։ Նա դուրս կգա պատերազմից»,- ասել է Թրամփը։

ԱՄՆ նախագահը հայտարարել է, որ պատրաստ է քննարկել Պուտինին պատժելու այլ միջոցներ, սակայն այդ քայլերը կախված կլինեն նրանից, թե արդյոք իր դաշնակիցները կդադարեցնե՞ն գնումները Ռուսաստանից։