Հայաստանի հետ սահմանը բացելու համար մենք որևէ պայման չունենք. Թուրք պատգամավոր

«Թուրքիան Հայաստանն ու Ադրբեջանը հարևաններ են, նոր էջ է բացվում հարաբերությունների կարգավորման ու զարգացման համար»,- Երևանում լրագրողներին ասաց ՆԱՏՕ-Ի խորհրդարանական վեհաժողովի թուրք ներկայացուցիչ, պատգամավոր Ֆաթմա Աքսալը, ով մասնակցում է ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարին։

Նա նշեց, որ Թուրքիան քաջալերում է Հայաստանի և Ադրբեջանի միջև խաղաղության համաձայնագրի գործընթացի մեկնարկը. «Բոլորս էլ օգուտ կքաղենք խաղաղությունից, դա կարևոր է ոչ միայն երկրների միձև, այլ նաև ամբողջ Հարավային Կովկասի, եթե խաղաղությոին հաստատվի երկրների միջև, կտարածվի ամբողջ աշխարհում»։

Նա հույս հայտնեց, որ Հայաստան-Թուրքիա սահմանների բացումը հնարավորինս շուտ տեղի կունենա. «Երկխոսություններ են տեղի ունենում, ընթացքի մեջ են, սպասենք։

Մենք չունենք որևէ պայման, որի պարագայում կբացվի սահմանը։ Այս պահին երկխոսություն է տեղի ունենում»։

Հարցին՝ ինչո՞ւ է «Թրամփի ուղի» արտահայտության փոխարեն Ադրբեջանից ու Թուրքիայից հնչում «Զանգեզուրի միջանցք» թե, արդյո՞ք տարածքային պահանջ չէ Հայաստանի նկատմամբ, նա պատասխանեց. «Ոչ, դա տարածքային պահանջ չէ։ Սպասենք ու լինենք լավատես»։