Ռուսաստանը կրճատել է հեղուկ բնական գազի մատակարարումները Եվրոպա

Ռուսական հեղուկացված բնական գազի մատակարարումները Եվրոպական Միություն 2025 թվականի հունվարից հոկտեմբեր ամիսներին տարեկան կտրվածքով նվազել են 6,9%-ով՝ հասնելով 16,3 միլիարդ խորանարդ մետրի (17,5 միլիարդ խորանարդ մետրի դիմաց), հայտնում է ՏԱՍՍ-ը՝ հղում անելով եվրոպական Bruegel վերլուծական կենտրոնի տվյալներին։

Հոկտեմբերին Ռուսաստանից Եվրոպա ՀԲԳ ներմուծումը կազմել է 1,4 միլիարդ խորանարդ մետր (2024 թվականի 1,5 միլիարդ խորանարդ մետրի դիմաց)։

Միացյալ Նահանգներից (ԱՄՆ և Տրինիդադ և Տոբագո) Եվրոպական Միություն ՀԲԳ մատակարարումները հոկտեմբերին սեպտեմբերի համեմատ աճել են 2%-ով՝ հասնելով 8,1 միլիարդ խորանարդ մետրի։ Այս տարվա առաջին տասը ամիսների ընթացքում այդ երկրներից եվրոպական գազի ներմուծումը աճել է 61%-ով՝ հասնելով 73,5 միլիարդ խորանարդ մետրի։