Վաշինգտոնը պատրաստ է օգնել Լիբանանին զինաթափել Հեզբոլահը

Ամերիկան պատրաստ է աջակցել Լիբանանին զինված խմբավորումների, այդ թվում՝ Իրանի կողմից աջակցվող Հեզբոլահի զինաթափման համար։ Այս մասին հայտնում է Bloomberg-ը։

ԱՄՆ-ը հայտարարել է, որ կօգնի Լիբանանի բանակին իրականացնել 2025 թվականի օգոստոսին հայտարարված զինաթափման ծրագիրը, որը մինչ այժմ խափանվել է Հեզբոլահի դիմադրության պատճառով։ Ամերիկյան պաշտոնյաները նաև պատրաստակամություն են հայտնել աջակցել Լիբանանի հարավի կայունացմանը, որտեղ Իսրայելը շարունակում է հարվածներ հասցնել Հեզբոլահի դիրքերին։

Լիբանանի նախագահ Ջոզեֆ Աունը, որը պաշտոնավարում է հունվարից, շեշտել է, որ անհրաժեշտ է ճնշում գործադրել Իսրայելի վրա՝ կանգնեցնելու հարձակումները Լիբանանի վրա։ Աունը նշել է, որ Իսրայելը պետք է լիովին կատարի հրադադարի պայմանները, որպեսզի լիբանանյան ուժերը տեղակայվեն հարավային սահմանին և իրականացնեն զինաթափման ծրագիրը։

Անցած շաբաթ Իսրայելը իրականացրել է Լիբանանի վրա ամենամեծ օդային հարվածներից մեկը ԱՄՆ-ի և Ֆրանսիայի միջնորդությամբ հրադադարի ուժի մեջ մտնելուց հետո։ Իսրայելական բանակը հայտարարել է, որ հարվածները ուղղված են եղել Հեզբոլահիի փորձերին՝ վերականգնելու իր ռազմական կարողությունները։

ԱՄՆ-ի հատուկ բանագնաց Թոմ Բարաքը նշել է, որ Լիբանանի կառավարությունը լուրջ դժվարություններ ունի Հեզբոլահի զինաթափելու հարցում, քանի որ խմբավորումը հրաժարվում է հանձնել զենքը՝ հղում անելով Իսրայելի ագրեսիային։