Ինչու՞ այդպես չի եղել. Վահրամ Աթանեսյան

Արցախի ԱԺ նախկին պատգամավոր, քաղաքական վերլուծաբան Վահրամ Աթանեսյանը «Ֆեյսբուքի» իր էջում գրել է.

Ինձ, անկեղծ ասած, բոլորովին չի հետաքրքրում, թե Գարեգին Բ.-ն կամ Մայր աթոռի եպիսկոպոսները կուսակրոնության ուխտը խախտե՞լ են, թե՞ ոչ, որովհետեւ եթե նրանք բոլոր սրբերին վկայակոչելով երդվեն, որ ճգնակյաց են եւ ծոմապահ, չեմ հավատա:

ՀԱԵ կրոնավորները շատ վաղուց աշխարհիկ մարդի են, դա ոչ մեկի համար գաղտնիք չէ: Ինձ առավելապես մի խնդիր է հուզում. Մայր աթոռը պաշտպանու՞մ է Ադրբեջանի հետ խաղաղության, հայ-թուրքական կարգավորման օրակարգը: Եթե՝ այո, ինչու՞ կաթողիկոսն այդ մասին լռում է, իսկ եթե՝ ոչ, ապա Լուսավորչի գահն ի՞նչ այլընտրանք ունի եւ ինչու՞ հայ ժողովրդին ի Հայաստան եւ ի սփյուռս աշխարհի այդ մասին չի ավետում: Սա է հարցը: Մնացածը մանիպուլյացիա է, ձեռնածություն:

2020թ. հոկտեմբերի 29-ին Արցախի նախագահ Արայիկ Հարությունյանը Ղազանչեցոց եկեղեցուց հայտարարել է, որ թշնամու նպատակը Շուշիի գրավումն է, եւ նա դրան հասնելուց ընդամենը 5 կմ. հեռավորության վրա է: Աղետի, մահտարաժամի այդ օրը Հայ առաքելական եկեղեցու զանգերը պիտի քսանչորսժամյա տագնապ հնչեցնեին ոչ միայն Էջմիածնում, այլեւ Մոսկվայում, Փարիզում, Վաշինգտոնում, Թեհրանում, Ստամբուլում, Թբիլիսիում, Երուսաղեմում: Ինչու՞ այդպես չի եղել:

Թիվ 1