Օհանյանը քննադատել է ատեստավորման համակարգը

ԱԺ «Հայաստան» խմբակցության ղեկավար Սեյրան Օհանյանը հայտարարել է, թե ատեստացիոն համակարգն անհավասար պայմաններ է ստեծում Զինված ուժերում:

Նրա խոսքով, ոչ միայն հրամանատարը, այլև զինվորականները, հատկապես, սահմանին գտնվողներն էլ պետք է բարձր աշխատավարձ ստանան։

«Ուժային տարբեր կառույցներին հենց այնպես հատկացրել ենք գումար կամ բարձրացրել ենք աշխատավարձ, իսկ բանակում, սահմանում կանգնած զինվորին, ով ամենամեծ դժվարությունն է իր ուսերին տանում, ասում ենք գնացեք, քննություններ հանձնեք»,-նշել է նա: