

ՆԱՏՕ-ն Հյուսիսային Եվրոպայի պաշտպանության շտաբը տեղափոխելու է Միացյալ Նահանգներ
ՆԱՏՕ-ն Դանիայի, Շվեդիայի և Ֆինլանդիայի պաշտպանության պլանավորման պատասխանատվությունը Բրունսումի (Նիդերլանդներ) իր օպերատիվ շտաբից կփոխանցի ԱՄՆ-ի Նորֆոլկի հրամանատարությանը: Համապատասխան հայտարարություն է արել Եվրոպայում դաշնակից ուժերի հրամանատար Ալեքսուս Գրինկևիչը:
Փոփոխությունները ուժի մեջ կմտնեն դեկտեմբերի 5-ին, որի առիթով արարողություն տեղի կունենա Ֆինլանդիայում: Տեղափոխման մասին որոշումը բացատրել են նրանով, որ ՆԱՏՕ-ի հակառակորդները «խմբավորված են ամբողջ աշխարհում, ուստի չափազանց կարևոր է առավելագույնս ամրապնդել եվրատլանտյան տարածաշրջանը և դաշինքի դիրքերը հյուսիսում»: Նշվում է, որ Նորֆոլկում գտնվող ՆԱՏՕ-ի շտաբն արդեն պատասխանատու է Ատլանտյան օվկիանոսի, Արկտիկայի, Գրենլանդիայի, Իսլանդիայի, Նորվեգիայի և Միացյալ Թագավորության անվտանգության համար:
«ՆԱՏՕ-ի համատեղ ուժերի հրամանատարության տեսանկյունից Նորֆոլկը ռազմավարական կամուրջ է Հյուսիսային Ամերիկայի և Եվրոպայի միջև, որը պաշտպանում է ոչ միայն մեր ծովային հաղորդակցությունները», – նշել է Գրինկևիչը: Միևնույն ժամանակ, ինչպես նշում է dpa գործակալությունը, Գերմանիայի և ՆԱՏՕ-ի Արևելյան Եվրոպայի երկրների պաշտպանության կազմակերպման պատասխանատվությունը կմնա Բրունսումի շտաբին։
Իրանը աշխատում է համաձայնագրի առաջարկի վրա, որը կապահովի միջուկային էներգիայի խաղաղ օգտագործման իրավունքը, բայց ոչ…
Ազգային ժողովը այսօրվա նիստում ընդունել է զինծառայությունից խուսափած 27-37 տարեկան ՀՀ քաղաքացիներին քրեական պատասխանատվությունից ազատելու…
Դոնալդ Թրամփը կարծում է, որ Իրանը ցանկանում է համաձայնության գալ ԱՄՆ-ի հետ, որը կներառի Իսլամական…
Այսօր ՀՀ էկոնոմիկայի նախարար Գևորգ Պապոյանի ծննդյան օրն է։ tiv1.am խմբագրությունը շնորհավորում է նախարարին ծննդյան…
Արեգ Քոչինյանի գրառումը. ԱՄՆ փոխնախագահ Ջեյ Դի Վենսի այցը Երևան Այցի շուրջ արդեն իսկ մեծ…
Մրգերի արտադրությամբ զբաղվող հայկական Fun Fruit ընկերությունն օրերս Դուբայում մասնակցել է «Gulfood 2026» սննդի և…