Ահաբեկչական գործողություն էր՝ բանակցային գործընթացը խափանելու համար. Պեսկով

ՌԴ նախագահի մամուլի քարտուղար Դմիտրի Պեսկովը Նովգորոդում Վլադիմիր Պուտինի նստավայրի վրա ուկրաինական հարձակումն անվանել է ահաբեկչական գործողություն։ Ըստ նրա՝ նպատակը բանակցային գործընթացի խափանումն է։

«Նստավայրի վրա հարձակման փորձը….Նովգորոդի մարզում իսկապես ահաբեկչական գործողություն է, ուղղված բանակցային գործընթացի խափանմանը»,– ասել է նա լրագրողներին։

Ուկրաինայի նախագահ Վոլոդիմիր Զելենսկու և արևմտյան լրատվամիջոցների ջանքերը՝ հերքելու միջադեպի մասին տեղեկությունները, Կրեմլի ներկայացուցիչը անվանել է խելագարություն. «Կարծում եմ՝ այստեղ ապացույցներ պետք չեն, եթե իրականացվում է անօդաչու թռչող սարքերի այդպիսի զանգվածային հարձակում, որոնք ՀՕՊ-ի հստակ աշխատանքի շնորհիվ խոցվել են»,– ավելացրել է նա։

Պեսկովի խոսքով՝ Ուկրաինան այդ գործողություններով նաև խաթարում է ԱՄՆ նախագահ Դոնալդ Թրամփի ջանքերը, սակայն նման սադրանքները չեն կարող ազդել Ռուսաստանի և ԱՄՆ-ի միջև երկխոսության վրա, նախագահները կշարունակեն փոխգործակցությունը։

Պեսկովը ընդգծել է, որ Մոսկվան չի դուրս գալիս բանակցային գործընթացից, սակայն կխստացնի դիրքորոշումը։ Զինվորականները նույնպես գիտեն, թե ինչպես, ինչով և երբ պատասխանել ՈՒՎՀ-ի հարձակմանը, ամփոփել է նա։