Հայտնի է ինչու են ձերբակալել Վենսուելայի նախագահին և կնոջը

ԱՄՆ գլխավոր դատախազ Պամելա Բոնդին հայտարարել է, որ Նիկոլաս Մադուրոն և նրա կինը՝ Սիլիա Ֆլորեսը, մեղադրական եզրակացությամբ ներգրավվել են Նյու Յորքի Հարավային շրջանի դաշնային դատարանում։ Նիկոլաս Մադուրոյին մեղադրանք է առաջադրվել նարկոահաբեկչական դավադրության, կոկաինի ներմուծման դավադրության, գնդացիրների և ավերիչ սարքերի ապօրինի տիրապետման, ինչպես նաև Միացյալ Նահանգների դեմ ուղղված գնդացիրների և ավերիչ սարքերի տիրապետման դավադրության համար։ Շուտով նրանք ամերիկյան հողի վրա՝ ամերիկյան դատարաններում, կհանդիպեն ամերիկյան արդարադատության ամբողջ խստությանը։

«ԱՄՆ Արդարադատության նախարարության ամբողջ կազմի անունից ցանկանում եմ շնորհակալություն հայտնել նախագահ Թրամփին՝ ամերիկացի ժողովրդի անունից պատասխանատվություն պահանջելու քաջության համար, ինչպես նաև մեծ շնորհակալություն հայտնել մեր խիզախ զինվորականներին, ովքեր իրականացրել են այս անհավանական և բարձր արդյունավետությամբ ավարտված գործողությունը՝ այս երկու ենթադրյալ միջազգային նարկոթրաֆիքինգով զբաղվող անձանց ձերբակալելու համար»,-ասել է նա։