Ուկրաինան չի զիջի Դոնբասն ու Զապորոժյեի ԱԷԿ-ը. Զելենսկի

Ուկրաինան պատրաստ չէ փոխզիջումների, որոնք կխախտեն տարածքային ամբողջականությունը։

«Մենք Դոնբասը և Զապորոժյեի ԱԷԿ-ը չենք հանձնի ռուսներին առանց պայքարի», – լրատվամիջոցների փոխանցմամբ հայտարարել է Ուկրաինայի նախագահ Վլադիմիր Զելենսկին։

Նա նշել է, որ տարածքային հարցը մնում է հակամարտության կարգավորման գործընթացում ամենաբարդը, քանի որ կողմերը դեռևս չեն հասել վերջնական որոշման։ Զելենսկին հավելել է, որ ռազմական գործողությունների դադարեցման «մնալ այնտեղ, որտեղ գտնվում ենք» բանաձևը համարում է ամենաքիչ խնդրահարույցը, սակայն նման հարցերը պետք է լուծվեն ղեկավարության մակարդակով։