«Մեկ հարց ՀՀԿ կարկառուններին՝ ինչո՞ւ եք աղմկում, անհասկանալի է». Արթուր Սաքունց
Իրավապաշտպան Արթուր Սաքունցը ֆեյսբուքյան իր էջում գրել է. «ՀՀԿ-ն պետք է հաշտվի ֆրանկենշտեյնի օրինակով իր ստեղծած անճոռնի արարածից զրկվելու և անվերադարձ կորցնելու մտքի ու փաստի հետ
Մեկ հարց ՀՀԿ կարկառուններին՝ ինչո՞ւ եք աղմկում, անհասկանալի է:
Այն ինչ ցանել եք Ձեր բռնապետական Սահմանադրության պարտադրմամբ, այն էլ «հնձում եք»:
ՀՀ քաղաքացիներին Ձեր պարտադրած Սահմանադրությունն իր բովանդակությամբ ո՛չ իրավական է, ո՛չ ժողովրդավարական է, ո՛չ էլ ինքնիշխանության և սոցիալական պետության սկզբունքներին համապատասխանող է, և ամբողջությամբ հակասում է անփոփոխ հանդիսացող երկու հոդվածների թե՛ բովանդակությանը, թե՛ էությանը:
ՀՀ քաղաքացիներին Ձեր պարտադրած Սահմանադրությունն անձի և մեկ կուսակցության կողմից պետությունը բռնազավթումն ամրագրող ու հաստատող փաստաթուղթ է, որը փաստացի մերժվել է 2018թ. թավշյա հեղափոխությամբ, այլևս չունի որևէ լեգիտիմություն: Եվ հղում անել ՀՀ քաղաքացիների կողմից թավշյա հեղափոխությամբ այլևս մերժված Ձեր պարտադրած Սահմանադրության դրույթներին առնվազն անհեթեթություն է:
Հա, միայն մեկ հիմնավորմամբ եք հղում կատարում Ձեր իսկ հորինած և մերժված փաստաթղթին, որ Ձեր ընկալմամբ 2018թ. հեղափոխություն տեղի չի ունեցել, որը, մեղմ ասած, չի համապատասխանում իրականությանը, ինչքան էլ համառորեն չհաշտվեք այդ արդեն կատարված փաստի հետ:
Չեք հաշտվում թավշյա, անարյուն, բացառիկ ոչ բռնի քաղաքացիական զանգվածային անհնազանդության բողոքի ցույցերի փաստի հետ, կուզենայիք գոնե մեկ կաթիլ արյուն հեղվեր, որպեսզի շահարկման, մանիպուլյացիաների համար ծանրակշիռ փաստարկներ ունենայիք, ու չունեք, բայց համառորեն ձգտում եք նման գեթ մի փաստարկ ստանալ, ու չեք ստանալու, չի լինելու:
Սխալներ լինելու են, ու կլինեն, որովհետև չսխալվելու համար ռեսուրսներ չեք թողել:
Դուք ավելի լավ գիտեք, թե ինչ Ֆրանկենշտեյն պետական համակարգ եք ստեղծել, որի մարդկայնացումը թե՛ տեսքով, թե՛ բովանդակությամբ, թե՛ էությամբ շատ դժվար պրոցես է, շատ դժվար:
Իսկ Դուք ամեն ջանք չեք խնայում աչքի լույսի պես պահպանելու Ձեր ստեղծած Ֆրանկենշտեյնի մոդելը, որը չապահովեց ո՛չ Ձեր, ո՛չ էլ մեր անվտանգությունը:
Մի խանգարեք և խանգարվեք, ու հաշտվեք Ձեր կողմից Ֆրանկենշտեյնի մոդելով ստեղծածից զրկվելու մտքի և փաստի հետ»:
Recent Posts
Ադրբեջանցի փորձագետները Հայաստան ժամանեցին ցամաքային սահմանազատված հատվածով
Հայաստանում փետրվարի 13-14-ը «Խաղաղության կամուրջ» նախաձեռնության շրջանակում, կանցկացվի երկկողմ կլոր սեղան, որի ընթացքում կհանդիպեն Հայաստանի…
2018-ից հետո 300 մլրդ դրամ է վերադարձվել հիփոթեքային վարկերի տոկոսները մարելու համար․ Թորոսյան
2018 թ.-ից հետո 300 մլրդ դրամ է վերադարձվել հիփոթեքային վարկերի տոկոսների մարման համար։ Այս մասին…
Իրավապահները «Իզմիրլյան» ԲԿ-ի տնօրենի աշխատեսնյակում են
«Իզմիրլյան» ԲԿ-ի տնօրեն Արմեն Չարչյանի աշխատասենյակում այս պահին իրավապահները գործողություններ են իրականացնում. Radar Armenia-ին հայտնեցին…
Մոսկվան ու Երևանը բանակցություններ կսկսեն ՀՀ-ի երկաթուղիների երկու հատվածի վերականգնման շուրջ. Օվերչուկ
Մոսկվան ու Երևանը բանակցություններ կսկսեն Հայաստանի երկաթուղիների երկու հատվածի վերականգնման շուրջ, որոնք կապված են Ադրբեջանի…
Օդի ջերմաստիճանը կբարձրանա 5-8 աստիճանով
Փետրվարի 13-ի գիշերը և առավոտյան հանրապետության առանձին ավտոճանապարհներին սպասվում է մերկասառույց։ Փետրվարի 13-15-ին գիշերը և…
Վրաստանը սահմանափակում է հին մեքենաների ներմուծումը
Վարչապետ Իրակլի Կոբախիձեն հայտարարել է վեց տարուց ավելի առաջ արտադրված մեքենաների ներմուծման արգելքի մասին: Համապատասխան…