ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը ֆեյսբուքյան իր էջում գրել է.
Ցուկերբերգը պարտավորվել է գրաքննել ֆեյսբուքյան ատելությունը
Եվրոպական Միությունը ընդունում է, որ ատելության խոսքը այլևս Եվրոպայի ժողովրդավարության լրջագույն մարտահրավերներից է ու պարտավորեցրել է «Ֆեյսբուք» սոցիալական ցանցին գրաքննության ենթարկել տեղադրված նյութերն ու ատելության և թշնամանքի խոսք պարունակող գրառումները, սա այլևս համարելով ժողովրդավարության ծանր մարտահրավեր:
Ցուկերբերգը համաձայնել է Եվրոպական Միության հետ և մշակվում են քայլեր՝ սոցտիրույթում ատելության հաղթարշավը կանխելու համար:
Ես, իհարկե, հասկանում եմ, որ սա հավասարազոր է տարբեր ֆեյք ֆաբրիկաների ու իմպերիաների գլխին կվալտով խփելուն նաև Հայաստանում, բայց մի րոպե անգամ չեմ կասկածում, որ ատելություն և թշնամանք գեներացնող, մարդկանց անձնական տիրույթ խցկվող, ֆեյք իրականությամբ հանրային կարծիքի հետ քարկտիկ խաղացող որևէ իդիոտ չի պլստալու իր բաժին պատասխանատվությունից: Ֆեյք ինդուստրիայի բոլոր դերակատարները, գլխավոր պերսոնաժներից մինչև մասսովկա, բեմի բանվոր, սցենարիստ ու անգամ հուշարար`հայտնի են:
Ու սա այն դեպքն է, երբ ես հավեսով հետևելու եմ դատական գործընթացների անխուսափելի շարանին:
https://www.facebook.com/photo.php?fbid=662388587914869&set=a.102014030618997&type=3&theater
