Այսօր երեկոյան, երբ վարչապետ Նիկոլ Փաշինյանն քարոզարշավ էր իրականացնում Երեւանի մետրոյում եւ ուղեւորներին բաժանում ՀՀ հպարտ քաղաքացու անձնագիր-քարոզչական բուկլետը, քաղաքացիներից մեկը չընդունեց այդ «անձնագիրը»:
Երիտասարդ աղջիկն այն ճղեց-մասերի բաժանեց ու շպրտեց վարչապետի վրա: Փաշինյանը դրան հանգիստ արձագանքեց՝ փաստելով, որ ժողովրդավարությունը հենց դրա համար է, ապա շարունակեց քարոզարշավը: Վագոնում գտնվող մյուս ուղեւորներին հիշեցրեց, որ ապրիլի 5-ին սահմանադրական փոփոխությունների հանրաքվե է լինելու՝ առաջարկելով անպայման մասնակցել դրան:
Վարչապետ Նիկոլ Փաշինյանը քարոզարշավի է դուրս եկել երկու դուստրերի՝ Մարիամի եւ Շուշանի ուղեկցությամբ:
